Construción da caseta meteorolóxica

Por Raúl Rodríguez.

Como o noso alumno Moisés nos indicada na seguinte redacción, a construción da caseta levouse a cabo polos alumnos de 2º da F.P.Básica  coa disposición horaria das prácticas no taller mecánico, a cargo do docente Óscar Saborido.

1º Comezouse por unha boa organización loxística, para evitar viaxes en balde aos centros de venta de material e tránsito de papeis e facturas no propio centro. Posto que aínda que os materiais e os prezos son indicados nos planos ofertados polo proxecto, podería considerarse que este é “un pouco optimista” nos tempos dedicados á man de obra e no propio presuposto. Sendo así, presupóstase un custo total de entre 25 e 35 euros que finalmente viuse incrementado aproximadamente a 100, o que foi aportado polo Departamento de Ciencias Naturais. Esta desviación debeuse principalmente, a que as medidas necesarias dos taboleiros empregados non se ofertan normalmente nos almacéns de madeira, senón que existe unha superficie mínima de venta, que practicamente, xa se levou por diante o presuposto inicial.

2º Con todo, unha vez obtidos os materiais (listóns, tapaxuntas de abeto a modo de tabliñas, cola, puntas, tirafondos, bisagras, escuadras e taboleiro de contrachapado de fenol), procedeuse a un pequeno axuste nas medidas das tabliñas e ao corte dos materiais nas medidas especificadas polos planos proxecto.

3º A construción comeza pola presentación dos materiais (taboleiros e listóns, algúns deles recortados a modo de serra para pegar as tabliñas) e a montaxe do “chasis” ou da estrutura básica uníndoa cuns tirafondos reforzados con cola de madeira, e apertando cuns sarxentos para un secado máis firme.

4º Tendo as tabliñas recortadas á medida, tapáronse con elas as superficies laterais. Na dianteira colocáronse bisagras para que actúe a modo de porta. As tabliñas colocáronse superpostas como tellas (asegurándoas en ocasións con puntas), pero deixando entre elas un espazo de ventilación suficiente e imprescindible, para a obtención correcta da medida das temperaturas. Ao mesmo tempo outros alumnos traballaban na colocación da base interior da caseta  a modo de enxaretado (polo mesmo motivo da ventilación)

5º Finalizada a estrutura principal, e para que perdurase un pouco máis no tempo, lle foron aplicadas tres mans de fondo protector da madeira (tapaporos, antifúnxico, contra insectos xilófagos e repelente á auga) que incrementou un pouco máis o custo total. Tras o secado deste fondo ficaba disposta para ser pintada de cor branco. Aproveitando parte da unidade didáctica da materia de Ciencias Aplicadas “espazos e figuras xeométricas” empregáronse os contidos teóricos para levar á practica, e que os alumnos calculasen moi satisfactoriamente a cantidade de fondo e pintura necesarias para pintar ás superficies da caseta, e co número de mans de cada unha a aplicar (simplemente sobraron uns centilitros).

6º Tendo rematada a estrutura principal da caseta, os alumnos, soldando, construíron unha forte estrutura metálica que colocaría a nosa caseta á altura apropiada. Pero non sen antes aplicar unha man de antioxidante.  Neste caso os materiais foron aportados polo taller mecánico do centro.

7º Como o punto no que sería colocada a caseta non tiña un solo firme no que asegurar toda a estrutura, o Servizo Técnico do Centro construíu unha pequena base de cemento no chan, con catro pernos de ancoraxe que asegurasen fortemente todo o conxunto. E xa para finalizar, metéronse dúas argolas pequenas entre a porta e a columna dianteira, nas que suxeitar un pequeno cadeado co propósito de “disuadir e asegurar a futura obtención dos dados meteorolóxicos”.

Algúns dos participantes na construción da caseta e na toma de dados.